Tannlege distriktstannklinikken Åndalsnes (fast 100% stilling)

I Møre og Romsdal får du det urbane side om side med den villaste naturen. Du bur og jobbar midt i landet, mellom hav og fjell i nordvest, med små avstandar mellom by og natur, innland og utland.

Vi har ledig stilling som tannlege ved distriktstannklinikken Åndalsnes, i Molde kompetanseregion.

Åndalsnes ligg i hjartet av vakre Romsdal og er den perfekte staden for deg som elskar natur, fjellturar og friluftsliv. Åndalsnes har også eit bra kulturtilbod, med m.a. musikkfestivalen RaumaRock som årleg samlar nasjonale og internasjonale artistar. Frå Åndalsnes er det togsamband (Raumabanen) til Oslo og gode kollektivtilbod til både Molde og Ålesund. (Les meir på: www.tindehovedstaden.no/ og www.fjordnorway.com/no/attraksjoner/andalsnes).

- ein god jobb der du kan utvikle deg
- varierte kliniske arbeidsoppgåver med alle pasientgrupper, også vaksne betalande pasientar
- oppdaterte og fine tannklinikkar
- eit fagleg nettverk med påfyll av kompetanse
- introduksjonsprogram for alle våre nye kollegaer
- ein stor og solid organisasjon i ryggen og leiarar som heier på deg
- god lønn den 12. kvar månad og trygge pensjons- og forsikringsordningar (gjennom KLP)
- trivelege medarbeidarar og godt miljø
- etablerings- og stabiliseringstilskot

- har norsk autorisasjon som tannlege
- har god kommunikasjonsevne på norsk/skandinavisk, både munnleg og skriftleg
- jobbar effektivt og sjølvstendig
- har god samarbeidsevne, er serviceinnstilt og løysingsorientert
- ønsker å bidra til eit positivt og utviklande arbeidsmiljø
- blir motivert av å jobbe for og med menneske

Vi har som mål å spegle mangfaldet i befolkninga. Alle med kompetansen vi etterspør er velkomne til å søke ledig
stilling hos oss.

Når du har søkt på stillinga mottar du ei stadfesting på e-post. Ta kontakt viss du ikkje får e-post frå oss.

Den som blir tilsatt må levere politiattest

Fylkeskommunen har ansvar for den offentlege tannhelsetenesta i fylket. Tannhelsetenesta sitt samfunnsoppdrag er å organisere førebyggande og helsefremmande tiltak, og gi eit regelmessig og gratis tannbehandlingstilbod til alle grupper pasientar som har rettar etter tannhelsetenestelova, samt tilbod til vaksne, betalande pasientar.

Fylkestannlegen er leiar av den offentlege tannhelsetenesta, som er organisert i 4 kompetanseregionar med 27
klinikkar og med ca. 200 tilsette.